शेख हसिनाको भर्चुअल सम्बोधनप्रति बंगलादेशको आपत्ति, भारतले भन्यो– ‘सरकारको कुनै भूमिका छैन’

बंगलादेशकी पूर्वप्रधानमन्त्री शेख हसिनाले बुधबार भर्चुअल माध्यमबाट सम्बोधन गर्ने कार्यक्रमप्रति बंगलादेशले आपत्ति जनाएपछि भारतले आफ्नो धारणा सार्वजनिक गरेको छ।

भारतको विदेश मन्त्रालयका प्रवक्ता रणधीर जायसवालले उक्त कार्यक्रम निजी सञ्चार संस्थाले आयोजना गर्न लागेको भन्दै त्यसमा भारत सरकारको कुनै भूमिका नरहेको स्पष्ट पारेका छन्। उनले कार्यक्रममा व्यक्त हुने कुनै पनि विचारलाई भारत सरकारले समर्थन नगर्ने समेत बताएका छन्।