युक्रेनमा रुसी ड्रोनबाट सर्वसाधारणमाथि ‘मानव सिकार’ भएको जेलेन्स्कीको आरोप

। युक्रेनका राष्ट्रपति भोलोदिमिर जेलेन्स्कीले दक्षिणी युक्रेनको खेर्सन क्षेत्रमा रुसी ड्रोनले सर्वसाधारणलाई लक्षित गरी आक्रमण गरेको आरोप लगाएका छन्।

जेलेन्स्कीले सामाजिक सञ्जालमार्फत सार्वजनिक गरेको भिडियोमा एक सडक व्यापारीलाई ड्रोनले पछ्याउँदै आक्रमण गरेको देखिन्छ। भिडियोमा ती व्यक्ति ड्रोनबाट बच्न सडकमा दौडिरहेको र सेतो भ्यान वरिपरि भागिरहेको देखिन्छ। केही समयपछि ड्रोन ती व्यक्तिमाथि ठोक्किएर विस्फोट भएको देखाइएको छ।