कान्सको निर्णायक मण्डलमा आचार्य

काठमाडौं।

प्रिज्मा एड्भर्टाइजिङका प्रमुख कार्यकारी अधिकृत (सीईओ) तथा क्रिएटिभ हेड रञ्जित आचार्य १७ औँ कान्स कर्पोरेट मिडिया एण्ड टिभी अवाड्र्स २०२६ को निर्णायक मण्डल (जुरी) सदस्यमा मनोनित भएका छन् । विश्वव्यापी रूपमा कर्पोरेट फिल्म, दृश्य कथन (भिजुअल स्टोरीटेलिङ) तथा ब्रान्डेड मिडियाको क्षेत्रमा प्रतिष्ठित मानिने यस अवार्डको निर्णायक मण्डलमा नेपाली प्रतिनिधित्व हुनु नेपालको विज्ञापन तथा सिर्जनात्मक उद्योगका लागि ऐतिहासिक उपलब्धिका रूपमा हेरिएको छ ।