१५ निर्माण व्यवसायी र आपूर्तिकर्तालाई कालो सूचीमा राख्न अन्तिम ७ दिने चेतावनी

काठमाडौं । सरकारले सम्झौता अनुसार काम नगर्ने र कार्यसम्पादनमा लापरवाही गर्ने १५ वटा निर्माण व्यवसायी तथा आपूर्तिकर्ता कम्पनीहरूलाई कालो सूचीमा राख्ने प्रक्रिया अगाडि बढाएको छ ।

सार्वजनिक खरिद अनुगमन कार्यालयले आइतबार (साउन २० गते) एक सार्वजनिक सूचना जारी गर्दै ती कम्पनीहरूलाई ७ दिनभित्र लिखित स्पष्टीकरण पेश गर्न अन्तिम मौका दिएको हो ।