नेपालमा रहेका भारतीय नागरिकलाई राहत : अब काठमाडौँबाटै सिंगापुरको भिसा आवेदन दिन सकिने

काठमाडौँ । नेपालमा बसोबास गरिरहेका भारतीय नागरिकहरूका लागि सिंगापुरको भिसा आवेदन प्रक्रिया अब निकै सहज हुने भएको छ। काठमाडौँस्थित ‘रुपसे होलिडेज’ ले भारतीय नागरिकका लागि सिंगापुरको भिसा आवेदन लिने आधिकारिक अनुमति प्राप्त गरेसँगै अब भिसाकै लागि भारत (दिल्ली) जानुपर्ने बाध्यता अन्त्य भएको हो।

दिल्लीस्थित सिंगापुर उच्चायोगले रुपसे होलिडेजलाई आगामी दुई वर्षका लागि आधिकारिक भिसा एजेन्टका रूपमा मान्यता प्रदान गरेको छ। सोमबार दिल्लीमा आयोजित एक कार्यक्रमका बीच सिंगापुर उच्चायोग र रुपसे होलिडेजबीच यससम्बन्धी औपचारिक सम्झौता भएको हो। सम्झौता पत्रमा रुपसेको तर्फबाट महाप्रबन्धक सरोज कार्कीले हस्ताक्षर गरेका छन्।