इङ्लिस प्रिमियर लिग: नाै नयाँ प्रशिक्षक, नयाँ युग

नयाँ सिजन (२०२६–०२७) को इङ्लिस प्रिमियर लिग अझै सुरु भएको छैन तर सिजन सुरु हुनुअघि नै यसले केही इतिहास रचिसकेको छ।

गत सिजनको च्याम्पियन आर्सनलले घरेलु मैदानमा नवप्रवेशी कोभेन्ट्री सिटीविरुद्ध अगस्ट २१ तारिखमा खेलेसँगै प्रिमियर लिग सुरु हुनेछ। जहाँ केही इतिहास पनि बन्ने तयारी हुँदै छ। यसपटक उद्घाटन सप्ताहान्तमै ९ वटा क्लब नयाँ मुख्य प्रशिक्षकसहित मैदानमा उत्रने भएका छन्। यो प्रिमियर लिग इतिहासमै एकै सिजनको सुरुआतमा सबैभन्दा धेरै क्लबले नयाँ प्रशिक्षक नियुक्त गरेको पहिलो पटक हो।