मुग्लिन–नारायणगढ सडकमा पहिरो: दुईतर्फी आवागमन ठप्प

चितवन । मुग्लिन–नारायणगढ सडकखण्डमा पहिरो खस्दा सवारी आवागमन पूर्ण रूपमा अवरुद्ध भएको छ। आज बिहान खसेको पहिरोका कारण देशकै प्रमुख ‘लाइफलाइन’ मानिने यस राजमार्गमा दुईतर्फी नै यातायात रोकिएको हो।

आज बिहान ठीक ७:०५ बजेतिर उक्त सडकखण्डको (ch २४+६५०) क्षेत्रमा एक्कासि पहिरो खसेपछि सडक ठप्प भएको हो। पहिरो खसेलगत्तै सडक डिभिजन कार्यालय भरतपुरबाट उपकरणसहितको टोली परिचालन भइसकेको छ। अहिले अवरुद्ध राजमार्ग खुलाउन पहिरो पन्छाउने काम धमाधम भइरहेको छ।