सिमलतालमा खसेको पहिरो हटाइयो, दुई घण्टापछि खुल्यो मुग्लिन-नारायणगढ सडक

चितवन – पहिरोका कारण अवरुद्ध बनेको नारायणगढ-मुग्लिन सडक खण्ड दुई घण्टापछि पूर्ण रूपमा सञ्चालनमा आएको छ ।

मुग्लिन-नारायणगढ सडक खण्डअन्तर्गत सिमलताल नजिकै मंगलबार बिहान पहिरो खस्दा दुवैतर्फको यातायात ठप्प बनेको थियो । पहिरो खसेलगत्तै खटिएको सडक डिभिजन कार्यालय भरतपुरको टोलीले मेसिन तथा उपकरणको प्रयोग गरी पन्छाएपछि बिहान ९ बजेदेखि सडक दुईतर्फी नै सञ्चालनमा आएको हो ।