राष्ट्र बैंक नियमन नियन्त्रणका लागि मात्र होइन, उत्पादनमा सक्रिय हुनुपर्छ : अर्थमन्त्री वाग्ले

काठमाडौँ – अर्थमन्त्री डा. स्वर्णिम वाग्लेले नेपाल राष्ट्र बैंकलाई केवल नियामक निकायका रूपमा मात्र नभई देशको आर्थिक रूपान्तरणको सहयात्री बनेर काम गर्न आग्रह गरेका छन् ।

नेपाल राष्ट्र बैंकका कार्यकारी निर्देशकसँगको समन्वय बैठकलाई सम्बोधन गर्दै अर्थमन्त्री वाग्लेले नियमनको उद्देश्य नियन्त्रण गर्नु मात्र नभएर उत्पादनशील आर्थिक गतिविधिलाई सक्षम र सहज बनाउनु रहेको बताएका हुन् ।