चौथो ताप्लेजुङ गोल्डकप: आयोजकबाट खेल्ने १७ खेलाडी छनौट

भदौ १२ गते देखि हुने चौथो संस्करणको ताप्लेजुङ गोल्डकपका लागि आयोजकको तर्फबाट खेल्ने १७ खेलाडीको छनौट गरिएको छ।

१८ र १९ गते दुईदिन भएको छनौट खेलका आधारमा खेलाडी छनोट उपसमितिले १७ खेलाडीको सूची आयोजक समिति समक्ष सिफारिस गरेको छ। खेलाडी छनोट उपसमितिमा देवकुमार मादेन, सन्तोष गुरुङ, रमेश चोङवाङ र दीपेश आङवुहाङ रहेका थिए। देवकुमार ताप्लेजुङ जिल्ला फुटबल संघका प्रशिक्षक समेत रहेका छन्।