वरिष्ठ अधिवक्ता अधिकारीको प्रश्न : न्यायाधीशमाथि महाअभियोग लगाउने तयारीकाे विज्ञप्ति के आधारमा लेखिएको हो ?

काठमाडौँ । वरिष्ठ अधिवक्ता डा‍.विपीन अधिकारीले अन्तर्राष्ट्रिय मानवअधिकारवादी संस्थाले सर्वोच्च अदालतको तीन न्यायाधीशमाथि महाअभियोग लगाउने तयारी भन्ने विज्ञप्ति के आधारमा लेखिएको हो सो कुरा खुलाउन पर्ने बताएका छन् । कानुन, न्याय तथा मानवअधिकार समितिको बैठकमा अधिकारीले सो कुरा बताएका हुन् ।

विभिन्न स्रोतबाट पुष्टि नभई त्यस्तो खालको विज्ञप्ति जारी गर्न नहुने अधिकारीको भनाइ छ । ‘प्रस्तुत भएका विवरण हेर्दा महाअभियोग लगाउनुपर्ने अवस्था देखिँदैन’ अधिकारीले भने– ‘प्रधानन्यायाधीश सिफारिसमा सरकारले बाटो बिराएको भए पनि सर्वोच्चको न्यायाधीशमाथि महाअभियोगको विषय कतै बाट पनि पुष्टि हुन सकेको देखिँदैन ।’