वेस्ट बैंकका ७० भन्दा बढी ऐतिहासिक स्थल नियन्त्रण गर्न इजरायलले स्वीकृत गर्‍यो ३ करोड ७० लाख डलर

तेल अभिभ । इजरायल सरकारले कब्जामा रहेको वेस्ट बैंकका ७० भन्दा बढी ऐतिहासिक तथा पुरातात्त्विक स्थलहरू आफ्नो नियन्त्रणमा लिन करिब ११३ मिलियन शेकेल (झण्डै ३ करोड ७० लाख अमेरिकी डलर) बराबरको बजेट स्वीकृत गरेको छ ।

यो निर्णय मंगलबार सरकारी सञ्चालन समितिले अनुमोदन गरेको हो। यसअघि मे महिनामा पनि वेस्ट बैंक, जोर्डन उपत्यका तथा अन्य क्षेत्रमा रहेका पुरातात्त्विक स्थलहरूलाई इजरायली नियन्त्रणमा ल्याउने उद्देश्यसहित २५० मिलियन शेकेल (करिब ८ करोड ३० लाख अमेरिकी डलर) को योजना स्वीकृत गरिएको थियो ।