मानवीय सेवाबाट विमुख बडहरी रेडक्रस : करोडौँका एम्बुलेन्स कवाडी बन्दै, राहत सामग्री गोदाममै कुहियो

धनुषा । धनुषाको मिथिला नगरपालिका–९ बडहरीस्थित नेपाल रेडक्रस सोसाइटीको सामुदायिक विकास केन्द्र पछिल्लो समय मानवीय सेवाको उद्देश्यबाट विमुख भई बेवारिसे अवस्थामा पुगेको छ।

करिब चार दशकअघि परोपकार र विपद् व्यवस्थापनका लागि स्थापना गरिएको यो केन्द्र अहिले चरम बेथिति र निष्क्रियताको प्रतीक बनेको हो।