फेरि ठूलो बाढीको जोखिम नरहेको जानकारी, तर सतर्क रहन आग्रह

चिनियाँ पक्षबाट प्राप्त भइरहेको जानकारी तथा त्यहाँका तस्बिरहरूको विश्लेषणबाट तत्काल ठूलो बाढीको जोखिम नदेखिएको जल तथा मौसम विज्ञान विभागका अधिकारीहरूले बताएका छन्।

विनाशकारी बाढीले निम्त्याएको हिम पहिरो गएको स्थान नेपालपट्टि परेतापनि त्यसको हवाई निरीक्षण गर्न चीनतर्फबाट सहज रहेकाले आफूहरूले चिनियाँ पक्षबाट नियमित अद्यावधिक जानकारी पाइरहेको उनीहरूले बताएका छन्।