वृत्ति विकास नभएको भन्दै मुख्य सचिवको ढोकामा पुगे मेकानिकल इन्जिनियर

काठमाडौँ । मुलुकले औद्योगिकीकरण र ऊर्जामा आत्मनिर्भरताको लक्ष्य लिइरहँदा राज्यको मेकानिकल इन्जिनियरिङतर्फको दक्ष जनशक्ति भने चरम उपेक्षा र निराशाको सिकार भएको गुनासो छ।

सरकारी सेवामा रहेका मेकानिकल इन्जिनियरहरूको क्षमता उपयोग हुन नसक्दा एकातिर राष्ट्रले विकासका अवसरहरू गुमाइरहेको छ भने अर्कोतिर दक्ष जनशक्ति विदेश पलायन हुने जोखिम बढेको छ।