हिक्मत छोड्न तयार नभएपछि दबाब बढाउन ओलीले बोलाए प्रदेशका पदाधिकारीसहितको बैठक

काठमाडौं- कोशी प्रदेशका मुख्यमन्त्री हिक्मत कार्कीले राजीनामा नदिने अडानबाट पछि नहटेपछि नेकपा एमालेका अध्यक्ष केपी शर्मा ओली दबाबमा परेका छन् । जसरी पनि हटाएर ताप्लेजुङका तिलकुमार मेन्याङ्बोलाई मुख्यमन्त्री बनाउने ओलीको ढिपीले काम नगरेपछि अरू नेतासहितको बैठक बोलाएका हुन्।

मंगलबार हिक्मतसँग गुन्डुमा करिब एक घण्टा एक्लै छलफल गरेका ओलीले परिस्थिति बुझिदिन आग्रह गरेका थिए। ओलीले सिधै राजीनामा दिन नभने पनि परिस्थिति बुझिदिन आग्रह गरेपछि हिक्मतले आफ्नो धारणा विस्तारमा राखे।