शिक्षक महासंघको तेस्रो राष्ट्रिय परिषद्‌बाट पारित संशोधित विधान शिक्षा सचिवलाई हस्तान्तरण

काठमाडौँ- नेपाल शिक्षक महासंघको तेस्रो राष्ट्रिय परिषद्‌बाट पारित संशोधित विधान बुधबार शिक्षा मन्त्रालयका सचिव चूडामणि पौडेलसमक्ष पेस गरिएको छ।

महासंघको यही साउन १६ र १७ गते काठमाडौँमा सम्पन्न तेस्रो राष्ट्रिय परिषद् एवं विधान अधिवेशनले पारित गरेको संशोधित विधान परिषद्को निर्णय, निर्देशन तथा भावनाअनुसार कार्यान्वयन प्रक्रियालाई अघि बढाउने उद्देश्यले मन्त्रालयमा बुझाइएको हो।