रहस्यमय मृत्युको पछाडि शंकास्पद 'म्यासेज': कृषि प्रयोगशालाको बाथरुमदेखि नासुको पक्राउसम्म

सुर्खेत- वीरेन्द्रनगरस्थित एकीकृत कृषि प्रयोगशालाको आवासगृह। शनिबार बिहानको वातावरण एकाएक स्तब्ध बन्यो जब बाथरुमभित्र २७ वर्षीया चन्द्रा सिंह बेहोस अवस्थामा फेला परिन्।

जाजरकोटको कुशे गाउँपालिका–९ माइती भई भेरी नगरपालिका–१ कालेगाउँमा विवाह गरेकी चन्द्रा प्रयोगशालाकी सहायक चौथो तहकी कर्मचारी थिइन्। एउटी सानी छोरीकी आमा चन्द्रालाई बाथरुममा ढलेको देखेलगत्तै उनका श्रीमान् महेश बस्नेतले उद्धार गरी प्रदेश अस्पताल कालागाउँ पुर्‍याएका थिए। तर, अस्पताल पुग्दा ढिलो भइसकेको थियो— चिकित्सकहरूले उनलाई मृत घोषणा गरिदिए।