एभरेष्ट बैंकले कमायो ५ अर्ब ७ करोड नाफा, जगेडा कोषमा पनि वृद्धि

काठमाडौं- एभरेष्ट बैंक लिमिटेडले आर्थिक वर्ष २०८२/८३ मा ५ अर्ब ६ करोड ९९ लाख रुपैयाँ खुद नाफा आर्जन गरेको छ। बैंकले बुधबार सार्वजनिक गरेको चौथो त्रैमाससम्मको अपरिष्कृत वित्तीय विवरणअनुसार यो नाफा अघिल्लो आर्थिक वर्षको तुलनामा ४.७५ प्रतिशत अर्थात् करिब २३ करोड रुपैयाँले बढी हो।

अघिल्लो आर्थिक वर्षमा बैंकले ४ अर्ब ८३ करोड ९९ लाख रुपैयाँ खुद नाफा कमाएको थियो। बैंकले अघिल्लो वर्षको वितरणयोग्य नाफाबाट लाभांश वितरणपछि बाँकी रहेको रकमसमेत जोड्दा कुल सञ्चित नाफा ५ अर्ब २५ करोड ७८ लाख रुपैयाँ पुगेको जनाएको छ। यसका आधारमा बैंकको प्रतिसेयर वितरणयोग्य नाफा ३८.३२ रुपैयाँ पुगेको छ।