५२ वर्षकी भइन काजोल: जन्मदिनको शुभकामना

बलिउडकी चर्चित अभिनेत्री काजोलले आज आफ्नो ५२औँ जन्मदिन मनाउँदैछिन्। सन् १९७४ अगस्ट ५ मा जन्मिएकी काजोलले तीन दशकभन्दा लामो अभिनय यात्रामा हिन्दी चलचित्र उद्योगलाई अनेक सफल फिल्म र अविस्मरणीय पात्रहरू दिएकी छन्। रोमान्टिकदेखि गम्भीर तथा चुनौतीपूर्ण भूमिकासम्म उनले आफ्नो बहुआयामिक अभिनय क्षमताको प्रभावशाली परिचय दिएकी छन्।

काजोलको नामसँगै दर्शकले सबैभन्दा बढी सम्झिने फिल्ममध्ये सन् १९९५ मा प्रदर्शन भएको ‘दिलवाले दुल्हनिया ले जायेंगे’ अग्रस्थानमा पर्छ। उक्त फिल्ममा उनले निभाएको ‘सिमरन’ पात्र आज पनि बलिउडका सबैभन्दा लोकप्रिय महिला पात्रमध्ये एक मानिन्छ। अभिनेता शाहरुख खानसँगको उनको जोडीले फिल्मलाई कालजयी बनाएको थियो।