अमेरिकाको भर नभएपछि सामसङ र एसके हाइनेक्सले चिनियाँ चिप उपकरणहरूको मूल्यांकन गर्दै

एजेन्सी । सामसङ इलेक्ट्रोनिक्स र एसके हाइनेक्सले अमेरिकी निर्यात नियन्त्रण कडा हुन सक्ने जोखिमबाट बच्नका लागि चीनको एडभान्स्ड माइक्रो–फेब्रिकेसन इक्विपमेन्टका चिप बनाउने उपकरणहरूको सम्भावित प्रयोगका लागि मूल्यांकन गरिरहेका छन् ।

यस विषयसँग परिचित तीन स्रोतहरूले रोयटर्सलाई यो जानकारी दिएका हुन् । यी मेमोरी चिप निर्माताहरूले करिब दुई वर्षअघि एएमईसीका एचिङ उपकरणहरू परीक्षण गर्न थालेका थिए । त्यस समयमा वाशिङटनले उनीहरूलाई चीनमा अमेरिकी चिप बनाउने उपकरणहरू आयात गर्न अनुमति दिइरहनेछ कि छैन भन्ने बारे अनिश्चितता बढिरहेको थियो ।