एलपी ग्यास अभाव दुई साताभित्र समाधान हुने आयल निगमको दाबी

काठमाडौं- नेपाल आयल निगमका निमित्त कार्यकारी निर्देशक दीपक बरालले बजारमा खाना पकाउने एलपी ग्यासको अस्वाभाविक माग बढेकाले उपभोक्ताको आवश्यकताअनुसार आपूर्ति गर्न कठिन भइरहेको बताएका छन्।

बुधबार सिंहदरबारमा बसेको राष्ट्रिय सभाको संघीयता सबलीकरण तथा राष्ट्रिय सरोकार समितिको बैठकमा उनले ग्यास आयात विगतको तुलनामा बढेको भए पनि उपभोक्ताको अत्यधिक मागका कारण बजारमा आपूर्ति व्यवस्थापन चुनौतीपूर्ण बनेको बताए।