विद्यार्थी आन्दोलनको पक्षमा उभिइन् सोनाक्षी सिन्हा

बलिउड अभिनेत्री सोनाक्षी सिन्हाले झारखण्डमा सरकारी सेवा आयोगका भर्ती प्रक्रियामा भएको भनिएको अनियमितताको विरोधमा आन्दोलनरत विद्यार्थीलाई समर्थन जनाएकी छन्। यसअघि उनले नीट प्रश्नपत्र चुहावटको विरोधमा उत्रिएका विद्यार्थीहरूको पक्षमा पनि आवाज उठाएकी थिइन्।

सोनाक्षीले आफ्नो इन्स्टाग्राम स्टोरीमा आन्दोलनसँग सम्बन्धित भिडियो सार्वजनिक गर्दै लेखेकी छन्, “झारखण्डका विद्यार्थीमाथि सबैको ध्यान जानुपर्छ। आफ्नै देशका विद्यार्थीले यस्तो अवस्था भोग्नुपरेको देख्दा निकै दुःख लाग्छ। आखिर यो कहिलेसम्म चलिरहने हो?”