११ वर्षीय बालकले जनावरलाई पुस्तक सुनाउँदै पूरा गरे १०० घण्टा स्वयंसेवा

अमेरिकाको फ्लोरिडा राज्यका ११ वर्षीय नेहेमायाह टर्नरले संरक्षणमा रहेका जनावरलाई पुस्तक पढेर सुनाउँदै १०० घण्टा स्वयंसेवा पूरा गरेका छन्। यससँगै उनी स्थानीय ज्याक्सनभिल ह्युमेन सोसाइटीको ‘पजिटिभ रिडिङ’ कार्यक्रममा १०० घण्टा पूरा गर्ने पहिलो बाल स्वयंसेवक बनेका छन्।

नेहेमायाहले पछिल्ला दुई वर्षदेखि आफ्नी हजुरआमासँग नियमित रूपमा जनावर आश्रयस्थल पुगेर कुकुर र बिरालोलाई पुस्तक पढेर सुनाउँदै आएका छन्। उनका अनुसार यसरी पुस्तक सुनाउँदा आश्रयस्थलमा रहेका जनावर शान्त हुने, तनाव कम हुने र मानिससँग घुलमिल हुन सहज हुने विश्वास गरिन्छ।