सचिवसँग निर्माण व्यवसायीको आर्तनादः काम गरौँ पैसा छैन, नगरौँ कारबाहीको डर

काठमाडौँ । शुक्रबार मध्याह्न १२ बजे । नेपाल निर्माण व्यवसायी महासंघका अध्यक्ष निकोलस पाण्डेसहितको टोली पूर्वाधार विकास मन्त्रालय पुग्दा सचिव गोपाल सिग्देलको कार्यकक्ष रित्तो थियो । निर्माण व्यवसायीलाई छलफलका लागि १२ बजे समय दिएका सचिव सिग्देल प्रधानमन्त्री कार्यालयमा छलफलका लागि गएका थिए ।

व्यवसायीहरूले केही समय हलमा कुरे, पटक–पटक फोन गरे, तर उठेन । अन्त्यमा अध्यक्ष पाण्डेले म्यासेज पठाएपछि सचिवको जवाफ आयो– ‘म सहरी विकास मन्त्रालयमा आउँदै छु, त्यहीँ भेटौँ ।’