फिरिरी सुपर एप सार्वजनिक

काठमाडौं । नेपालमै विकसित मल्टि-सर्भिस सुपर एप ‘फिरिरी’ ले आफ्नो सेवा औपचारिक रूपमा सुरु गरेको छ, जसले विभिन्न दैनिक सेवाहरूलाई एउटै डिजिटल प्लेटफर्ममा एकीकृत गरेको छ।

फिरिरीलाई पूर्ण ‘अल-इन-वन’ इकोसिस्टमका रूपमा डिजाइन गरिएको छ, जसमा राइड-सेयरिङ, फूड डेलिभरी, ग्रोसरी तथा मार्केटप्लेस, पार्सल तथा लजिस्टिक्स सेवा, होटल तथा ट्राभल बुकिङ, डिजिटल पेमेन्ट, रियल स्टेट सेवा, ह्यान्डिम्यान तथा घरायसी सेवा, रोजगारी तथा करियर अवसर, अन-डिमाण्ड चलचित्र प्लेटफर्म, तथा डिजिटल लर्निङ प्लेटफर्म सबै एउटै एपमार्फत उपलब्ध छन्।