सम्राट उपाध्यायको लेखन : अरुले आवेदन भरिदिएर ह्वाइटिङ अवार्ड, पहिलो पुस्तककै न्यु योर्क टाइम्समा समीक्षा [भिडियो]

उनले उपन्यास लेखिरहेका थिए । तर, तारन्तार पान्डुलिपि अस्वीकृत भइरहेका थिए । उनी कथासंग्रहमा काम गर्न थाले । पहिलो कथासंग्रह ‘अरेस्टिङ गड इन काठमाडौं’ सन् २००१ मा प्रकाशन गरे । नेपाली लेखकले अमेरिकामा प्रकाशन गरेको पहिलो पुस्तक त्यही हो । त्यसले सम्राट उपाध्यायलाई ठूलो सफलता दियो । उनले ३० हजार अमेरिकी डलरको ह्वाइटिङ अवार्ड पाए ।

भर्खर पीएचडी सकेर विश्वविद्यालयमा पढाउन तरखरमा लागेका उनलाई त्यसले ठूलो राहत दियो । उनले पुरस्कार पाउनलाई आवेदन भने न सम्राटले गरेका थिए न त उनका प्रकाशकले । कुनै नचिनेको मान्छेले आवेदन गरिदिएर उनले पुरस्कार पाए । त्यसैको जानकारी दिन भनेर कसैले उनलाई भ्वाइस मेल पठायो ।