६० वर्ष पुग्ने खानी अलपत्र, बजारमा कृत्रिम अभाव किन र कसरी ?

काठमाडौँ । एकातिर देशमै अथाह ग्यासको भण्डार रहेको पुष्टि भइसक्दा पनि उत्खनन हुन सकेको छैन, अर्कातिर सर्वसाधारण भने एउटा सिलिन्डर ग्यासका लागि घण्टौँ लाइनमा बस्न बाध्य छन् । यो विरोधाभासपूर्ण चित्रले मुलुकको विकास र प्रशासनिक अक्षमतालाई गिज्याइरहेको छ । अघिल्लो केपी ओली नेतृत्वको सरकारका पालामा चीन सरकारको सहयोगमा दैलेखमा ग्यास उत्खननको काम सुरु गरिएको थियो । तत्कालीन प्रधानमन्त्री ओलीले २०८२ असारमा प्रतिनिधि सभामा बोल्दै दैलेखको एउटा कुवाबाट मात्रै ११२ अर्ब घनमिटर मिथेन ग्यास प्राप्त हुने अनुसन्धान सफल भएको र सोही वर्षको मंसिरभित्र परीक्षण उत्पादन सम्पन्न हुने घोषणा गरेका थिए । तर, त्यसपछिको भदौमा भएको जेनजी आन्दोलन र सत्ता फेरबदलका कारण व्यावसायिक उत्पादन रोकियो, फलस्पवरुप मुलुक फेरि गिज्जिएको छ । यसै सन्दर्भमा मंगलवार प्रतिनिधि सभाअन्तर्गतको उद्योग तथा वाणिज्य र श्रम तथा उपभोक्ता हित समितिको बैठकमा ग्यासको आपूर्ति व्यवस्थापनलाई लिएर सांसद्हरू र मन्त्रालयबीच गम्भीर छलफल भएको छ ।

६० वर्ष पुग्ने खानी अलपत्र, बजारमा कृत्रिम अभाव