गोलबजार घटना अध्ययन टोली काठमाडौं फर्कियो

सुनसरी घटनापछि सिरहाको गोलबजारमा भएको आन्दोलनका क्रममा गणेश यादवको मृत्यु भएको घटनाको छानबिनका लागि गठन गरिएको उच्चस्तरीय समितिले प्रारम्भिक अनुसन्धान सम्पन्न गरी काठमाडौं फर्किएको छ।

गृह मन्त्रालयका सहसचिव पुष्पराज शाहीको नेतृत्वमा रहेको छानबिन टोलीले तीन दिनसम्म सिरहामा स्थलगत निरीक्षण, प्रमाण तथा तथ्य संकलन र सरोकारवालासँग छलफल गरेपछि प्रारम्भिक अनुसन्धान पूरा गरी बुधबार काठमाडौं फर्किएको हो।