त्रिवि कार्यदलको पेन्सन सिफारिस दुई वर्षदेखि अलपत्र, ११५ औं दिनमा पुग्यो आन्दोलन

त्रिभुवन विश्वविद्यालय (त्रिवि) ले गठन गरेको कार्यदलले सम्बन्धित शिक्षक तथा कर्मचारीलाई पेन्सन सुविधा उपलब्ध गराउन सिफारिस गरे पनि कार्यान्वयनमा दुई वर्षदेखि ढिलाइ भएको छ।

प्रतिवेदन थन्क्याएर राखिएको भन्दै आन्दोलनरत शिक्षक तथा कर्मचारीले तत्काल निर्णय लागू गर्न माग गर्दै ११५ दिनदेखि विश्वविद्यालय परिसरमा निरन्तर धर्ना जारी राखेका छन्।