११.५६ सेकेन्डमै रुबिक्स क्युब मिलाउने चेरी

एजेन्सी ।

सामान्यतया एउटा ३×३×३ रुबिक्स क्युबका सबै रङहरू मिलाउन धेरै मानिसहरूलाई मिनेटौँ लाग्छ । कतिपयका लागि त यो कहिल्यै सुल्झन नसकिने गा¥हो पहेली बनिदिन्छ । तर, जब अद्भुत स्मरणशक्ति, तीक्ष्ण दिमाग र हातको द्रुत गति एकै ठाउँमा जोडिन्छ, तब असम्भव देखिने कार्य पनि सेकेन्डभरमै सम्भव हुन्छ । यसैको जीवन्त उदाहरण बनेका छन् अमेरिकाका २१ वर्षीय युवा टमी चेरी । उनले अमेरिकाको न्यु जर्सीमा आयोजित ‘मिड–एट्लान्टिक क्वाइट च्याम्पियनसिप २०२६’ मा ‘ब्लाइन्ड फोल्डेड’ अर्थात् आँखामा पट्टी बाँधेरमात्र ११.५६ सेकेन्डमा रुबिक्स क्युब मिलाउँदै गिनिज विश्व कीर्तिमान आफ्नो नाममा लेखाएका छन् । यसअघि अस्ट्रेलियाका चार्ली एगिन्सको नाममा रहेको ११.६७ सेकेन्डको रेकर्डलाई ०.११ सेकेन्डले सुधार्दै टमीले पुनः विश्वको ध्यान आफूतर्फ आकर्षित गरेका छन्।