अन्तरवार्ताको बिचमै रिसाएर किन हिँडे ट्रम्प ?

वाशिङटन डीसी । अमेरिकी राष्ट्रपति डोनाल्ड ट्रम्प अमेरिकी टेलिभिजन एनबीसी न्युजको ‘मिट द प्रेस’ नामक अन्तर्वार्ता चलिरहेको बेलामा रिसाएर हिँडेका छन् । सन् २०२० को राष्ट्रपति चुनाव र ६ जनवरीको दंगासम्बन्धी प्रश्नहरूमाथि चर्को विवाद भएपछि उनले बिचमै अन्तर्वार्ता छोडेका हुन् ।

अन्तर्वार्ता पत्रकार क्रिस्टिन वेल्करसँग भएको थियो । जसमा ट्रम्पले पुनः २०२० को चुनाव धाँधली गरेको आधारहीन दाबी दोहोर्‍याएका थिए । वेल्करले क्यालिफोर्नियाको गभर्नर चुनाव प्रक्रिया र मतगणनाबारे प्रश्न गर्दा ट्रम्पले त्यसलाई अस्वीकार गर्दै पत्रकारमाथि नै आक्रोश व्यक्त गरेका थिए ।