न लास भेटिन्छ, न सास : शवगृह धाउँदै आफन्त

बुटवल- टेबुलमाथि क्षतविक्षत शवका तस्बिरसहितको फाइल थियो। त्यही फाइलमा आफ्ना भाइको अनुहार खोजिरहेका थिए रूपन्देहीको शुद्धोधन गाउँपालिका-३ का गोविन्द पंगेनी।

रसुवाको भोटेकोशीमा भदौ १० गते आएको विनाशकारी बाढीमा परेर उनका भाइ ३६ वर्षीय नीराजन पंगेनी बेपत्ता छन्। चिलिमे हाइड्रोपावरको २२० केभी प्रसारण लाइनमा कार्यरत निराजन बाढीपछि सम्पर्कविहीन भएका हुन्।