इन्फान्टिनोले गल्तीका लागि माफी मागे, तर फिफा अध्यक्ष पदमा कायमै

मोरक्को । फिफा अध्यक्ष जियानी इन्फान्टिनोले निजी लगानीकर्तालाई प्रतियोगितामा हिस्सेदारी बिक्री गर्ने विवादास्पद योजनाका क्रममा भएका ‘गल्ती’ का लागि माफी मागेका छन्। तर, मोरक्कोमा भएको बैठकमा फिफाका वरिष्ठ अधिकारीहरूले समर्थन जनाएपछि उनी फिफा अध्यक्षकै रूपमा कायम रहने भएका छन्।

बुधबार इन्फान्टिनोले मोरक्कोको राजधानी राबातस्थित फिफाको अफ्रिकी कार्यालयमा व्यवस्थापन बोर्डका सदस्यहरूलाई बैठकका लागि बोलाएका थिए। योजनाको चर्को आलोचना भएपछि बोलाइएको बैठक सकिएको करिब चार घण्टापछि फिफाले इन्फान्टिनोलाई समर्थन गर्ने विज्ञप्ति जारी गरेको हो।