ताप्लेजुङको लोदेन क्षेत्र घुम्न गएका एक जनाको मृत्यु

ताप्लेजुङको मिक्वाखोला गाउँपालिका वडा नं ५ पापुङको लोदेन क्षेत्र घुम्न गएका पाँचथरका एक व्यक्तिको मृत्यु भएको छ।

मृत्यु हुनेमा पाँचथरको फाल्गुनन्द गाउँपालिका वडा नं १ का ४१ बर्षिय टेकराज सिवा रहेका छन् । जिल्ला प्रहरी कार्यालय ताप्लेजुङका प्रहरी प्रमुख(डिएसपी)कमल बजगाँईले सिवासहित ९ जनाको टोली घुम्न गएको र एकजनाको मृत्यु भएको खबर त्यही टोलीका एकजना सदस्यले प्रहरीलाई गराएको जानकारी दिए।