राजु पाण्डेको तस्बिर सेयर गर्दै महेशले भने : अरूलाई पीडा दिँदा कठोर, आफू आलोचित हुँदा भावुक

नेकपा एमालेका सचिव महेश बस्नेतले राष्ट्रिय स्वतन्त्र पार्टी (रास्वपा) का सांसद राजुनाथ पाण्डेप्रति टिप्पणी गरेका छन्।

बस्नेतले अरूलाई पीडा दिँदा कठोर बन्ने तर आफू आलोचित हुँदा भावुक हुने प्रवृति पाण्डेले देखाएको बताए। पाण्डेले आफ्नो आँसु पुछिरहेको तस्बिर सेयर गर्दै महासिचव बस्नेतले भने, 'हजारौँ गरिब र सुकुम्बासीलाई घरबारविहीन बनाएर उनीहरूका आँखाबाट बलिन्द्र आँसु झार्न बाध्य पार्नेहरू आफूलाई कठोर र शक्तिशाली शासकका रूपमा प्रस्तुत गर्थे। तर आज आफूमाथि सामान्य प्रश्न उठ्नेबित्तिकै भकानिएर आँसु झार्दै भावुकताको नाटक गरिरहेका छन्।'