वीरगञ्जमा ग्यास ट्यांकरले ई-रिक्सालाई ठक्कर दिँदा ९ जना घाइते

वीरगञ्ज- पर्साको वीरगञ्ज महानगरपालिका–२४ बहुअरी चोकस्थित हुलाकी सडकखण्डमा ग्यास ट्याङ्करले ई–रिक्सालाई पछाडिबाट ठक्कर दिँदा ई–रिक्सामा सवार ९ जना घाइते भएका छन्।

बुधबार राति करिब ८ बजे पावरहाउसबाट तिलावे पुलतर्फ जाँदै गरेको ना २ ह ६६८२ नम्बरको ई–रिक्सालाई सोही दिशाबाट आइरहेको आरजे १४ जिई ८७१० नम्बरको ग्यास ट्याङ्करले पछाडिबाट ठक्कर दिएको प्रहरीले जनाएको छ।