काठमाडौं महानगरका प्रमुख प्रशासकीय अधिकृत गुरागाईँ सेवा निवृत्त

काठमाडौं- काठमाडौँ महानगरपालिकाका प्रमुख प्रशासकीय अधिकृत सरोज गुरागाईँ सेवा निवृत्त भएका छन्।

गुरागाईँले, २०८१ भाद्र २७ गतेको नेपाल सरकार (मन्त्रिपरिषद्) को निर्णय अनुसार २०८१ असोज ७ गते काठमाडौँ महानगरपालिकामा प्रमुख प्रशासकीय अधिकृतका रुपमा पद वहाली गरेका थिए। उमेर हदका कारण उनी बुधबारदेखि अनिवार्य अवकाशमा गएका हुन्।