लुम्बिनीलाई आध्यात्मिक र वेलनेस पर्यटनको केन्द्र बनाउन सुझाव

रुपन्देही । प्राकृतिक सुन्दरता, आध्यात्मिक विरासत र परम्परागत उपचार पद्धतिले भरिपूर्ण नेपालमा ‘वेलनेस पर्यटन’को सम्भावना बलियो बन्दै गएको छ । विशेषगरी भैरहवा र बुद्ध जन्मस्थल लुम्बिनीलाई केन्द्रमा राखेर आध्यात्मिक र आधुनिक वेलनेस सेवालाई जोड्न सके नेपाल विश्वकै प्रमुख स्वास्थ्य पर्यटन गन्तव्य बन्न सक्ने सरोकारवालाहरु बताउँछन् ।

बुद्ध जन्मस्थल लुम्बिनी आफैंमा ध्यान र मानसिक शान्तिको विश्वव्यापी केन्द्र हो । नजिकै रहेको नेपाल–भारत सीमा नाका र गौतम बुद्ध अन्तर्राष्ट्रिय विमानस्थलले गर्दा यहाँ विदेशी पर्यटकको सीधा पहुँच सहज छ ।