‘झिँगेदाउ २’को टिजरमा देउरानी-जेठानीबीचको घरझगडाकै निरन्तरता

काठमाडौँ- ‘झिँगेदाउ २’को टिजर सार्वजनिक गरिएको छ। बुधबार सार्वजनिक टिजरमा ‘झिँगेदाउ’ मै जस्तो घरायसी घटपटलाई देखाइएको छ। फिल्ममा आँचल शर्मा र केकी अधिकारी देउरानी जेठानीको भूमिकामा छन् भने महेश त्रिपाठी र कुशल विष्ट दाजुभाइको भूमिकामा देखिएका छन्।

ज्ञानेन्द्र देउजाको निर्देशनमा बनेको सिनेमा आगामी असोज २ गतेदेखि प्रदर्शन हुँदै छ। फिल्ममा केकी, आँचल, महेश र कुशल बिष्टसहित सरोज खनाल, संगम भण्डारी, विजय देउजा, अंशु महर्जन, अभय राज बराल, उत्तम केसी, शिवहरि वैरागी, आशा भुसाल, रेन प्रधान, विनोद कुमार पौडेल, आशिष पुरुष, विष्णु सापकोटा र नरेन्द्र थापालगायतले अभिनय गरेका छन्।