उत्तरी नाकामा विपद्, आपूर्ति प्रणाली ब्रेक

११ भदौ, काठमाडौं । नेपालीहरूका ठूला चाड तिज, दसैं, तिहार र छठ मुखैमा छन् । यी चाडलगत्तै जाडोयाम सुरु हुन्छ । सहरदेखि गाउँसम्म चाडपर्वको उल्लास सुरु हुनुपर्ने बेला देशको मुख्य व्यापारिक केन्द्र काठमाडौंको न्युरोड, भोटाहिटी र रञ्जना गल्ली लगायत ठाउँका व्यापारीका अनुहारमा भने गहिरो सन्नाटा र निराशा छाएको छ ।

कारण हो– चीनसँगको प्रमुख व्यापारिक नाका रसुवागढीमा हिजो बुधबार अप्रत्याशित आएको अकल्पनीय प्राकृतिक विपद् ।