वन्यजन्तु जोगाउन खोज्दा ट्यांकरमा आगो लाग्यो

रौतहट । रौतहटको गुजरा नगरपालिका–३ धनसार पुलनजिक पूर्व–पश्चिम राजमार्गमा वन्यजन्तुलाई जोगाउन खोज्दा पेट्रोल बोकेको ट्यांकर सडकबाट तल पल्टिएर आगलागी भएको छ। दुर्घटनापछि आगलागी हुँदा ट्यांकर पूर्ण रूपमा जलेको छ।

बाराको अमलेखगञ्जबाट सलाहीतर्फ जाँदै गरेको मधेश प्रदेश ०३–००१ ख ७८११ नम्बरको पेट्रोल बोकेको ट्यांकर जंगलभित्रबाट बाहिर सडक पार गर्न लागेको मृगलाई जोगाउने क्रममा अनियन्त्रित भई सडकको दाहिनेपट्टि पल्टिएर आगो लागेको जिल्ला प्रहरी कार्यालय गौरका डीएसपी बसन्त गौतमले जानकारी दिए।