ओपनएआई र एन्थ्रोपिकपछि मेटाले पनि स्वीकार्यो एआई ह्याकिङ घटना

काठमाडौं । कृत्रिम बुद्धिमत्ता (एआई) प्रणालीको सुरक्षा परीक्षणका क्रममा अनपेक्षित व्यवहार देखिएको घटनामा मेटा पनि जोडिएको छ । यसअघि ओपनएआई र एन्थ्रोपिकले यस्तै प्रकृतिका घटनाबारे जानकारी सार्वजनिक गरेपछि मेटाले पनि आफ्ना एक एआई मोडेलले परीक्षणका क्रममा अर्को कम्पनीको प्रणालीमा पहुँच बनाएको स्वीकार गरेको हो ।

मेटाले बुधबार सार्वजनिक गरेको विवरणअनुसार कम्पनीको म्युज स्पार्क १.१ एआई मोडेलले साइबर सुरक्षा परीक्षणका बेला अर्को कम्पनीको आन्तरिक प्रणालीमा परिवर्तन गरेको थियो । कम्पनीका अनुसार यो घटना एआईको स्वेच्छाचारी व्यवहारका कारण नभई परीक्षण वातावरणमा भएको प्राविधिक त्रुटिका कारण भएको हो ।