२०२७ विश्वकप छनोटको मिति तय, वेस्ट इन्डिज विश्वकपमा पुग्न संघर्षरत

२०२७ को एकदिवसीय विश्वकप छनोट प्रतियोगिता आगामी वर्ष फेब्रुअरी २२ देखि मार्च २३ सम्म हुने भएको छ।आईसीसीले मिति तय गरे पनि प्रतियोगिता कहाँ आयोजना गर्ने भन्ने टुंगो लगाइसकेको छैन।

१० टोली सहभागी हुने छनोटको विजेता सिधै विश्वकपको मुख्य चरणमा पुग्नेछ। दोस्रोदेखि चौथो स्थानसम्म रहने टोलीले ‘सुपर सिरिज’ खेल्नेछन्, जहाँबाट एक टोली मुख्य चरणमा पुग्नेछ। २०२७ को विश्वकप दक्षिण अफ्रिका, जिम्बाब्वे र नामिबियामा अक्टोबर ४ देखि नोभेम्बर २१ सम्म हुनेछ।