सुनको भाउमा फेरि ठूलो उछाल, एकैदिन तोलामा ८ हजार रुपैयाँ वृद्धि

नेपाली बजारमा सुनको मूल्यमा लगातार दोस्रो दिन पनि ठूलो वृद्धि भएको छ। नेपाल सुनचाँदी व्यवसायी महासंघका अनुसार बिहीबार छापावाल सुनको मूल्य एकैदिन प्रतितोला ८ हजार रुपैयाँ बढेर २ लाख ९६ हजार रुपैयाँ पुगेको छ।

बुधबार सुनको मूल्य प्रतितोला २ लाख ८८ हजार रुपैयाँ कायम भएको थियो। यससँगै पछिल्ला दुई कारोबार दिनमै सुनको मूल्य १२ हजार २ सय रुपैयाँले बढेको छ।