​तात्यो फिर्के खोला घरभित्रको संरचना भत्काउने योजना [तस्बिरहरू ]

पोखरा। पोखरा महानगरपालिकाले फिर्के खोलाको खोला घरभित्र निर्माण गरिएका संरचना भदौ १५ गतेभित्र अनिवार्य रूपमा हटाउन सम्बन्धित व्यक्ति तथा संस्थालाई अन्तिम चेतावनी दिएको छ।

महानगरले बिहीबार सार्वजनिक गरेको सूचनाअनुसार अधेरीकुनादेखि फेवातालसम्म करिब आठ किलोमिटर लामो फिर्के खोलाको अतिक्रमण हटाउँदै खोलालाई प्राकृतिक बहावमा फर्काई सफा, स्वच्छ, वातावरणमैत्री तथा व्यवस्थित कोरिडोर निर्माण गर्ने अभियानलाई निरन्तर अघि बढाइएको जनाएको छ।