नेपाल आयल निगमको कार्यकारी निर्देशकमा नागेन्द्र साह नियुक्त

काठमाडौं- सरकारले नेपाल आयल निगम लिमिटेडको कार्यकारी निर्देशकमा चार्टर्ड एकाउन्टेन्ट (सीए) नागेन्द्र साहलाई नियुक्त गरेको छ। बुधबार बसेको मन्त्रिपरिषद् बैठकले खुला प्रतिस्पर्धाबाट छनोट भएका उम्मेदवारमध्ये साहलाई चार वर्षका लागि निगमको नेतृत्वको जिम्मेवारी दिने निर्णय गरेको हो।

मन्त्रिपरिषद्को निर्णयसँगै साहले नेपाल आयल निगमको कार्यकारी निर्देशकको जिम्मेवारी सम्हाल्नेछन्। उनी यसअघि निगममा निमित्त कार्यकारी निर्देशकका रूपमा कार्यरत थिए।