ट्रेकिङका क्रममा ‘हराएका’ तीनजनाको उद्धार

काठमाडौं । कास्कीमा ट्रेकिङका क्रममा ‘हराएका’ तीनजनाको सकुशल उद्धार गरिएको छ । सशस्त्र प्रहरी बलको टोलीले उनीहरूको उद्धार गरेको हो ।

पोखरा महानगरपालिका–१४, खसीबजारका २४ वर्षीय अजित जिसी, २३ वर्षीय युकेश गुरुङ र २६ वर्षीय करण लामा माछापुच्छ्रे गाउँपालिका–९, बादलडाँडास्थित मर्दी हिमाल ट्रेकिङका क्रममा सम्पर्कविहीन भएका थिए । उनीहरू मंगलबार (साउन १९) ट्रेकिङका निम्ति गएका थिए ।