कांग्रेस पूर्वसभापति देउवा हङकङबाट साउन २९ अघि नै फर्किने

काठमाडौं । स्वास्थ्य उपचारका क्रममा हङकङमा रहेका नेपाली कांग्रेसका पूर्वसभापति शेरबहादुर देउवा आगामी साउन २९ गतेअघि नै स्वदेश फर्किने भएका छन् ।

देउवाका स्वकीय सचिव भानु देउवाले पूर्वसभापति देउवा साउन २९ गतेभन्दा अगावै नेपाल आइपुग्ने जानकारी दिए। यद्यपि, उनको उडान र अवतरणको अन्तिम मिति भने तय हुन बाँकी रहेको छ। “उहाँ साउन २९ गते अगाडि नै नेपाल आउनुहुन्छ। तर, फर्किने निश्चित गन्तव्य मिति भने अझै तय भइसकेको छैन,” भानु देउवाले भने।