मदन भण्डारी कप भलिबल प्रतियोगिता असोजमा, विजेताले ७ लाख पाउने

२१ साउन, काठमाडौं । मदन भण्डारी कप अन्तर्राष्ट्रिय आमन्त्रित पुरुष भलिबल प्रतियोगिता आउँदो असोज १२ गतेदेखि हुने भएको छ । मदन भण्डारी स्पोर्ट्स एकेडेमीको आयोजनामा रुपन्देहीमा अन्तर्राष्ट्रिय स्तरको भलिबल प्रतियोगिता हुन लागेको हो ।

प्रतियोगितामा विदेशी टोलीको पनि सहभागिता रहने एकेडेमीका अध्यक्ष ध्रुव आचार्यले जानकारी दिए । ‘प्रतियोगितामा सहभागिताका लागि विदेशी टोलीलाई पनि पत्राचार गरेका छौं । विदेशीसहित ८ टोलीलाई सहभागिता गराउने हाम्रो योजना छ,’ उनले भने ।